السلام عليكم ورحمة الله وبركاته،
قبل شهر فحصت نظري فقالت لي الاخصائية لازم ألبس نظارة.
بصراحة مافكرت أشتري أون لاين أبد، قلت صعبة نظارة لازم ألبسها وأجرب ومو كل شي يعجبني.
وفعلا رحت لمحل وشفت النظارات والموديلات وانصدمت من الاسعار!!! طبعا أنا حاطة ببالي اشتري ماركات معينة شفت اسعارها من ٤٠٠ ريال وفوق! ( تقريبا ٤٥ دينار) وبعضها وصل سعره ألف ريال! مثل ماركات بيربري وديور!
كتبت بتويتر اذا فيه احد عنده اقتراح لمحلات نظارات رد علي احد المتابعين الله يجزاه خير ، ليش ماتشترينها أون لاين؟ وارسلي رابط الموقع.
قعدت يومين اتفرج فيه كل النظارات والموديلات شفتها. ترددت اسجل و أشتري كوني اول مره البس نظاره وماعرف شي عن النظارات ابدا.
بعدها بكم يوم لقيت عرض خصم ٥٠٪ وشحن مجاني! هالعرض خلاني أغامر وأسجل بالموقع ان صابت صابت وان خابت على الله العوض :)
وقع الاختيار على نظارتين:
أرماني بسعر ٤٩.٥$ بعد الخصم. مايعادل ١٩٠ ريال
برادا بسعر ٩٩.٥٠ بعد الخصم. مايعادل ٣٨٠ ريال
( الأسعار بعد خصم ٥٠٪)
اعتذر ماصورت الاسعار قبل، ماكنت حاطة ببالي اكتب تقرير، بس كان فيه كود للخصم+ الشحن المجاني وكتبته قبل اعتمد الطلب.
طبعا مثل ماشايفين بالصورة تحتاجون قياساتكم عشان يتم صنع النظارة على أساسها.
الموقع يوفر الشحن الدولي لكنة مكلف بالمقارنة مع ارامكس.
مجموع النظارتين ١٤٩ $ بعد الخصم+شحن مجاني لبريدي الامريكي.
تم الشحن عن طريق ارامكس حسبت على اساس نصف كيلو ب ٦٨ ريال.
استغرق الطلب اسبوعين تقريبا من تصنيع وشحن من كندا الى امريكا إلى الرياض. على ما أعتقد تصنيع العدسات يتم في كندا.
صور للفاتورة/
المجموع الكلي بالريال مع الشحن/ ٦٣٨ ريال لنظارتين.
صور للنظارتين:
الحمدلله وصلتني بجودة ممتازة جدا وكل نظارة مع علبتها وفي الصورة الاخيرة حقيبة صغيرة تحتوي على بخاخ ومنديل ومفك صغير.
تجربة جميلة استمتعت بها.. وسوف أكررها بمشيئة الله.
بالاضافة للنظارات الطبية يحتوي الموقع على نظارات شمسية وعدسات طبية وملونة وبعض الاكسسورات للنظارات.
يوجد تشكيلة منوعة جدا من الماركات كما يمكنك رؤية شكل النظارة على الوجوة الموجودة في الموقع وتستطيع ان تضع صورتك لترى شكلك بالنظارة قبل شرائها ;)
ويتوفر في الموقع شات للمساعدة، كانوا خدومين جدا طلبت منهم وزن النظارتين لمقارنة سعر الشحن بأرامكس مع الشحن الدولي ..
للدخول للموقع من هــــــــــنا
والحمدلله رب العالمين.
إن أصبت فمن الله وإن أخطأت فمن نفسي والشيطان.
شكرا جزيلا للأخ فيصل لاتاحة الفرصة.
والسلام عليكم ورحمة الله وبركاته.
2 comments:
شكرا اختي الكريمة علي مشاركتك الرائعة والمعلومات المفيده جدا
طيب اختي ممكن تشرحين لي كيف اطلب بالضبط واذا تقدرين تطلبين لي وتشحنينها لي او لا لان ماعندي بريد امريكي شاكره لك اختي
إرسال تعليق
ملحوظة: يمكن لأعضاء المدونة فقط إرسال تعليق.